УДБЭТ-ын гоцлол дуучин Г.Шижирболд, Б.Гомбо-Очир, Б.Батжаргал нарын хамтарсан “TRE TENORI” сонгодог концерт өнөөдөр 19:00 цагт УДБЭТ-ын тайзнаа тоглогдоно. Тус тоглолтонд УДБЭТ-ын найрал дуучид, симфони найрал хөгжим оролцох бөгөөд Ж.Пуччини, Ж.Верди, Ж.Масне, Р.Леонкавалло, Ж.Бизе, Э.Куртис, С.Кардилло, А.Лара, Л.Мөрдорж нарын бүтээлүүдээс эгшиглүүлэх юм байна.
Ангилал: Уртын дуу
Өнөөдөр/III.27/ Олон улсын театрын өдөр тохиож байгаа юм.. Энэ өдөр 20.00 цагаас “Black Box” театр Эжен Ионескогийн “Хирснүүд” хэмээх шинэ жүжгийнхээ анхны тоглолтыг хийх юм. Харин тэд анхны тоглолтоо хэвлэл мэдээллийн салбарынханд, тодруулбал сэтгүүлчдэд зориулан үнэ төлбөргүй хийхээр шийджээ. Мэдээллийн салбарт ажиллаж байгаа хэнд ч болов энэ урилга хамаатай юм байна.
Елена Голунова таван настайдаа анх удаа нэгэн танихгүй хүнийг олж харсан гэдэг. Тухайн үедээ бяцхан охин өөрийгөө нас барсан хүний сүнсийг харж байна гэж мэдээгүй аж. Түүний ээж нь эмч байсан ч охиныхоо ярьсныг шууд л үгүйсгэн энэ талаар аавдаа ярихгүй байхыг хатуу анхааруулсан байна. Тэрбээр том болох тусмаа зөвхөн харагдаж буй сүнстэй ярилцаад зогсохгүй нас барагсдын дуу хоолойг сонсох болсноо мэдэрч эхэлжээ.
Тэртээх 1962 оноос эхлэн жил бүрийн энэ өдрийг олон улсын театрын баярын өдөр болгон дэлхий даяар өргөн дэлгэр тэмдэглэж иржээ. Манай улс энэ өдрийг 1962 оноос эхлэн тэмдэглэж ирсэн бөгөөд сүүлийн 10-н жилийн турш театр урлагийн шилдгүүдээ тодруулж алдаршуулан шагнадаг “Гэгээн муза” наадмыг амжилттай зохион байгуулж ирсэн юм. Ингээд театр урлагийн зүтгэлтнүүддээ баярын мэндийг дэвшүүлж уран бүтээлийн өндөр амжилт хүсэн ерөөе.
Монголын орчин цагийн уран зохиолыг үндэслэгчдийн нэг, Алдарт гавъяат уран зохиолч Сономбалжирын Буяннэмэхийн нэрэмжит “Буяннэмэхийн таван хором” яруу найргийн наадам өнөөдөр боллоо. Наадмыг түүний нэрэмжит “Буяннэмэх номын өргөө”-ний хамт олон санаачлан Монголын залуу зохиолчдын нэгдэлтэй хамтран зохион байгуулсан юм. Энэ үеэр Монгол Улсын Соёлын гавъяат зүтгэлтэн цол тэмдгээр шагнуулсан Х.Зандраабайды, До.Цэнджав нарт хүндэтгэл үзүүлж, Монголын чөлөөт зохиолчдын холбооны гишүүн О.Бяруузанын “Мэнгэт халиун” хэмээх хүүхдийн номны нээлт давхар боллоо.
Дуунд дуртай дуучин монгол түмний хайр хүндлэл, омогшил бахдалын эзэд болсон Монгол поп опера “УВЕРТЮРА” хамтлаг 5-н жилийн ойдоо зориулж монгол орон даяар аялан тоглолтоо хийхээр болжээ. Өнгөрсөн жил Улсын драмын эрдмийн театрын тайзнаа анхлан тоглож үзэгчдийн хүсэлтээр Улаанбаатар паласын их танхимд дахин тоглосон “…ТӨГСГӨЛГҮЙ-ЭХЛЭЛ…” нэртэй амьд тоглолтоо ийнхүү монгол эх орныхоо өнцөг булан бүрт суугаа элэг нэгт ахан дүүсдээ толилуулах нээ.
Олон улсын театрын баярын өдөр маргааш тохиох бөгөөд тус өдөрт зориулан “Вlack box” театрын уран бүтээлчид Эжен Ионескогийн “Хирснүүд” хэмээх жүжгийг үзэгчдийн хүртээл болгохоор зэхжээ. Уг жүжгийн ерөнхий найруулагч, зураачаар С.Мягмар ажиллаж байгаа бол найруулагчаар Ж.Амарзаяа, орчуулагчаар Б.Цацрал ажиллаж байгаа аж. Тус жүжгийн дүрүүдэд “Black box” театрын жүжигчин Н.Идэрболд, Н.Мөнхжаргал, Н.Эрдэнэ-очир, Д.Оюунзул, Н.Баасанжаргал нар тоглох нээ.
Халдах ёсгүй сөөм газрынхаа өмнө халуун амиараа сөхөрч чадах офицер манай улсад цөөнгүй. Тэдний төлөөлөл болох яруу найрагч, Хошууч генерал С.Гүржав, хөгжмийн зохиолч, удирдаач, Хурандаа, МУСТА Б.Ганхуяг, хөгжмийн зохиолч, удирдаач, дэд хурандаа, МУУГЗ Г.Энхбаяр, хөгжмийн зохиолч, Дэд хурандаа, МУУГЗ Т.Сэр-Од, хөгжмийн зохиолч, удирдаач, Дэд хурандаа, МУСТА Т.Ганболд нар хамтран “Офицерууд” тоглолтоо өнөөдөр Монгол бөхийн өргөөнд 19:00 цагаас ганцхан удаа зохион байгуулна.
“Номин талст” хамтлагийн дуучин, Эх орны төлөө 1-р зэргийн одонт, “Морин хуур” наадмын гранфри, Монгол Улсын Соёлын Тэргүүн Т.Дэлгэрмөрөнгийн монгол түмнийхээ босоо цагаан хийморийг магтан дуулсан “Хийморь” хэмээх цомог тун удахгүй хэвлэлтнээс ирж сонсогч түмний сонорыг мялаах нээ.
Төгөлдөр хуурч Б.Оюу өөрийн бие даасан гурав дахь тоглолт болох “Ф.Шопений үдэш” тоглолтоо ирэх сарын 4-нд Улсын филармонид эгшиглүүлэхээр болжээ.