“Х-ТҮЦ” продакшны МУГЖ Л.Баттулга буюу Аглуу тоглолтын тасалбар шаглагчидтай “тэмцэж” эхэллээ.
Хошин урлагийн хамтлаг продакшны тоглолтын билетийг шаглаад олон жил болж байгаа билээ. Харин шаглан зарагчидтай тэмцэхээр зохицуулах хууль байдаггүй учраас тэдний энэ биезнес үргэлжилсээр байдаг.
“Боловсрол суваг” телевизээр гарч үзэгчдийг байлдан дагуулж байсан “Гурван найз” олон ангит кино 40 анги гараад дууссан билээ. Харин энэхүү кино дахин үргэлжлэх тухай “Эмоци” продакшны Нарансолонго фейсбүүктээ мэдээлжээ. Энэхүү кинонд хөгжилтэй, саваагүй найзуудын адал явдал, паянгуудын талаар өгүүлдэг билээ.
“Esquire” сэтгүүл энэ оны сүүлчийн дугаартаа дуучин Рианнагийн цээж нүцгэн зургуудыг нийтэлжээ. Мөн сэтгүүлд Грэммийн шагналт дуучин бүсгүйн тухай мэдээлэл, ярилцлага орсон байна. Рианнагийн гэрэл зургуудыг загварын шилдэг зурагчин, фото найруулагч Эллен Вон Анверт даржээ.
Хошин урлагийн шилдгийн шилдгүүд хуран чуулсан “Нэгдсэн шоу” тоглолт энэ сарын 09-ны 19:30 цагт “UB Palac”-ийн концертын их танхимд болно. Тоглолтонд “Шинэ үе” продакшн, “Шилдэг өнгө” продакшн, “Х Түц” продакшн, “Мөрөөдлийн театр”, “Эмоци” продакшн, “Чапи & Суурь”, “Параоди” хамтлаг нар бүрэн бүрэлдэхүүнээрээ оролцоно.
БНХАУ И үндэстнийхээ бамбарын наадмыг ЮНЕСКО-гийн соёлын өвд бүртгүүлэхээр болжээ. Тус бамбарын наадам нь И үндэстний жилд нэг удаа тэмдэглэдэг уламжлалт баяр юм байна. Гал тахих эртний уламжлалаа өдгөө хүртэл хадгалж ирсэн тус үндэстэн нь энэ баярынхаа үеэр галт бамбар барьж ардын бүжгээ бүжиглэн эртний дууг нийтээрээ дуулдаг заншилтай аж. Бамбарын наадам нь И үндэстний соёлын чухал бэлгэ тэмдэг төдийгүй дуу бүжиг, яруу найраг, идээ ундаа, хувцас засал, одон орон зэрэг соёлын олон нийтлэг элементийг агуулдгаараа онцлогтой.
-Юндэн, Нансалмаа, Балган, Хоролмаа нарын хоорондын хайр дурлалын эмгэнэлт харилцааг харуулдаг “Үйлийн гурван толгой” балетийг энэ сарын 8-ны өдөр 17.00 цагаас тоглоно.-
Улсын дуурь бүжгийн эрдмийн театраас энэ жил үндэсний сонгодог бүтээлүүдээ түлхүү сурталчилж, монгол хөгжмийн зохиолчдоо алдаршуулахаар ажиллаж байна. Энэ сарын эхний үзвэр нь Төрийн хошой шагналт, хөгжмийн зохиолч Л.Мөрдоржийн “Хөхөө Намжил” дуурь байсан. Тэгвэл ирэх бямба гаригт буюу энэ сарын 8-ны өдрийн 17.00 цагаас “Үйлийн гурван толгой” балетийг тоглох гэж байна.
ЦЕГ-ын Төв архивын газар, Хэвлэл мэдээллийн төв хамтран тус архивын газарт хадгалагдаж байгаа цагдаагийн байгууллагын хөгжлийн түүхийг харуулсан баримт бичиг, фото зургийг олон нийтэд сурталчилах чиглэлээр үйл ажиллагаа зохион байгуулж эхэллээ.
Нийслэлийн Засаг даргын санаачилга, НЗДТГ-ын дэмжлэгтэйгээр дэлхийн алдарт “Цөмөөхэй” бүжгэн жүжиг ирэх арванхоёрдугаар сард ДБЭТ-ын тайзнаа тоглогдох гэж байна.
Анх 2009 онд дэлгэцнээ гарч байсан адал явдалт, гэмт хэрэг, триллер төрлийн “Fast and Furious” киноны үргэлжлэл хийгдсээр өнөөг хүрээд байгаа билээ. Харин тус киноны долдугаар анги ирэх 2015 онд нээлтээ хийхээр төлөвлөсөн юм.
МЗЭ-ийн шагналт яруу найрагч В.Нэргүй, С.Ууганбаяр хоёр хамтран өнгөрсөн сарын 27-нд Тусгаар Тогтнолын ордонд “Хайрын цэцэрлэг” нэртэй уран бүтээлийн цэнгүүн хийсэн билээ. Шүлэг яруу найраг, дуу хосолсон нэгэн үдшийг өнгөрөөсөн үзэгчид тус тоглолтын талаар ам сайтай байсан юм.
