Монгол түмний сэтгэл зүрхэнд хоногшсон хуучны сайхан дуунуудыг сэргээн дуулахаас гадна өөрсдийн шинэхэн уран бүтээлээр үзэгч, сонсогчдынхоо сонорыг мялааж байдаг ихэр дуучин Г.Алтанхундага, Г.Алтанбагана нарын “Ихэр аялгуу” цомгийн нээлт энэ сарын 31-ний өдөр болно. Тодруулбал, “White event hall” танхимд 13.00 цагаас эхлэх аж.
Соёлын тэргүүний ажилтан Г.Алтанхундага Үгдэсний урдагийн урлагийн их театрт гоцлол дуучнаар ажилладаг бол дуучин Г.Алтанбагана өв уламжлалаа тээн мал маллахаас гадна ихрийн хамт уран бүтээлээ туурвиж байна. Найман жилийн өмнөөс хамтран уран бүтээл хийж буй тэдний урлагийн замнал “Үл тасрах аялгуу” шоу төсөлтэй салшгүй холбоотой билээ. “Оюутан ахуй цагаа дурсъя” нэрийн дор зохион байгуулагдахад нь дуулаачийн ангийн оюутан Г.Алтанхундага тусгай байр эзэлжээ. Харин дараа жил нь “Алтан шар зам нь өлзийтэй байг” нэрийн дор зохиогдоход том тэрэгний жолооч Г.Алтанбагана оролцож шилдэг 20-д үлдсэн гэдэг. Энэхүү цомогтоо тэд урын сангийнхаа 16 дууг дээжлэн барьжээ.
