Дуучин Сэрчмаа хамгийн сүүлд DJ Шамантай хамтарч “Хайр бид хоёр” гэдэг шинэ дуугаа хүргэсэн. Мөн Хэрлэнгийн үг, Буян-Өлзийгийн ая “Сэтгэлийн тэнгис” шинэ уран бүтээлээ гаргасан. “Мон АСЕ” энтертайнмент дээр хоёр дуундаа клип хийлгэж байгаа аж. ИЙнхүү уран бүтээлийнхээ ажилд орсон дуучин Сэрчмаагийн шинэ хэмнэлийг нь фенүүд нь удахгүй сонсох нь.
Ангилал: Одод
Нийтийн дууны ертөнцөд хөдөлмөрч, хүчтэй хоолойтой гэдгээрээ дуучин Г.Эрдэнэтунгалаг ялгардаг. Тэрээр бөх залууд дурлаж, охиныг нь төрүүлсэн ч улсын начин Сэр-Од өөр бүсгүйтэй хуримлаж, дуучин бүсгүйн сэтгэлд харуулсал үлдээн одсон гэдэг. Энэхүү гэгээн сайхан хайраа дурсан дуучин Г.Эрдэнэтунгалаг “Хайрлаарай” хэмээх сайхан дууг амилуулж, олны хүртээл болгосон билээ. “Хайрлаарай” хэмээх дууг сонсохоор сэтгэл гэгэлздэг гэж олон хүн ярьдаг. Магадгүй дуучин нь сэтгэлээ шингээн дуулсан болохоор илүүтэй ч сонсголонтой болсон байж мэднэ.
“Дижитал” хамтлагийн гишүүн Баавар буюу Ш.Батбаяр нарын дөрвөн хүн хар тамхи, хэрэглэсэн хадгалсан гэдэг үндэслэлээр өнгөрсөн хоёрдугаар сараас хойш шалгагдаж байгаа. Харин түүний бие нь тааруу байсан учраас түүнийг өнгөрсөн гуравдугаар сард батлан даалтад гаргасан.
Эрч хүчээр дүүрэн залуу дуучдын нэг бол яахын аргагүй дуучин Ану билээ. Тэрээр анх 16 насандаа найз Болороотойгоо “Гала” хамтлагаа байгуулж тэр үеийн охид залуусыг байлдан дагуулж, өөрсдийн гэсэн стилээрээ гайхагдаж ,байсан цаг саяхан. Харин тэднийг хамтлагаа орхиход олон олон фэнүүд нь сэтгэл дундуур байсан ч ганцаараа уран бүтээлээ хийн дахин гарч ирсэн Ануг хайртай фэнүүд нь халуун дотноор хүлээж авсан.Тэрээр уран бүтээлийнхээ хажуугаар өөрийн гэсэн бизнесээ ч амжилттай авч яваа чадварлаг бүсгүй.
Хакухо Даваажаргалыг авааль эхнэрээсээ салж байгаа тухай Японы хэвлэл мэдээллийн хэрэгслүүд шуугьж эхэлсэн нь саяхан. Энэ чимээ Монголд дорхноо л нэвтэрсэн. Тэр тусмаа “Монгол эхнэртэй суух гэж байна” гэх яриа хаанаас ч юм гараад ирсэн. Энэ ортой байж ч магадгүй гэх хүмүүсийн дуулиан шуугианыг дагаад тэрхүү нутаг нэгтэн нь хэн бэ? гэдэг асуулт урган гарч ирсэн. Тэгвэл саянаас Хакухогийн “Монгол гэргийн” сураг гарсан талаар хэвлэл мэдээллийн хэрэгслүүдээр нэг хэсэг шуугьсан нь тэр бүсгүй нь харин Дуучин С. Сэрчмаа болж таарсан. Хоёулаа олны танил болохоор дорхноо л цуу тарж нэг нь Хятад нөхрөөсөө, нөгөө нь Япон эхнэрээсээ салж байгаа болохоор одоо юу хэлэх вэ дээ.
Дуучин Т.Дэлгэрмөрөн самбо, жүдогоор барилдаж байжээ. Тэрбээр бүх хотын аварга шалгаруулах тэмцээнээс хүрэл медаль хүртсэн бөгөөд спортын дэд мастер зэрэгтэй юм байна. Дашрамд дурьдахад Дэлгэрмөрөн үе, үе зодоон хийсэн гэж дуулддаг. Энэ тухайд тэрбээр “Би хүнтэй хэрэлдэж чаддаггүй. Харин зодолдож бол чадна. Томоогүй атлаа би задгай байгаагүй. Зүгээр л би эр хүнийхээ хувьд бусадтай хааяа гар зөрүүлдэг” гэжээ. Мөн түүний хувьд энэ амьдралаас олж авсан хамгийн үнэт зүйл нь эхнэр, охин нь бөгөөд аливаа арга хэмжээнд нэг дуугаа 500 мянгаас дээш үнээр дуулдаг байна.
Монголын рок поп ертөнцийн анхны хамтлагуудын төлөөлөл болсон “Sweetymotion” хамтлагийнхан “Номин талст” хамтлагтай хамтран уран бүтээл туурвиж байгаа гэнэ. Учир нь энэ онд тэдний 15 жилийн ой тохиож буй учраас үзэгч, сонсогч фэнүүддээ зориулж хамтарсан уран бүтээл туурвиж байгаа ажээ. Тэдний хамтарсан шинэ уран бүтээлийн аяыг Харанга хамтлагийн аргил гитарчин, МУГЖ Чулуунбат зохиож хөгжмийн найруулгын төгөлдөр хуурч Б.Чинбат гитарчин Д.Өлзий орших нар хамтран бүтээж байгаа гэнэ.
Тайзаа дэлгэцээр сольсон энэ бүсгүй залуусын хараанд нэлээд өртдөг нь дамжиггүй. СУИС-ийг төгссөнөөсөө хойш
“Маск” продакшны уран бүтээлчээр ажиллаж байсан жүжигчин А.Гэрэлцэцэг энд тэндхийн арга хэмжээний хүндтэй хөтлөгч. Ажил ажил гээд гэрийн бараа хардаггүй шахуу түүнийг гэрийнхнээс нь авахуулаад ажлынхан нь хүртэл “хурдан гэр бүлтэй болооч ээ, нөхөр хүүхдийг чинь хармаар байна” гэж тэвдүүлцгээдэг ч харин Гэрэлээ “бүсгүй хүн хэзээдээ л эр хүний өмч юм болохоор хэзээ нэгэн өдөр айлын эзэгтэй болчихно. Залуу насандаа ихийг хийж бүтээмээр байна” гэж хээв нэг хариулчихаад явж байдаг гэсэн. Мисс Д.Ариунцэцэгтэй усны дусал шиг адилхан гэгддэг тэрбээр “амьдралд нууц амраг байх ёсгүй мөн хайртай хүнээ хардах нь байх ёстой асуудал” гэж хувийн амьдралдаа нэлээд хуучинсаг үзлээр ханддаг аж. Ямартаа ч залуу халуун нас, гоо үзэмжээрээ чимж яваа жүжигчин бүсгүй тун удахгүй аав ээжийнхээ хүслийг биелүүлж хувийн амьдралаа төвхнүүлэх сурагтай.
“Аавдаа очмоор болох юмаа” хэмээх хит дуугаараа нийтийн дууны ертөнцөд хүч түрэн гарч ирсэн дуучин Ц.Мөнхсоёлыг мэдэхгүй хүн ховор. Дуучин бус хуульч, эрхзүйч мэргэжилтэй тэрбээр цомог гаргаж, тоглолтоо хийснээр өөрийнхөө хэр авьяастай бүсгүй болохыг харуулж чадсан гэдэг. Харин чухам юунд урлагийн ертөнцийг сонгосон нь тодорхойгүй ч энэ тухайгаа ихэд нууцалдаг юм билээ. “Цагаан уул” хууль зүйн товчоогоо хааж, хөрөнгө мөнгөө уран бүтээлд зарцуулж эхэлсэн түүний энэ шийдвэрт нөхөр нь ихэд дургүйцдэг байсан ч сүүлдээ хүлээн зөвшөөрчээ.
“Маск” продакшны жүжигчин П.Эрдэнэзааныг фенүүд нь жаахан юм болохоор л марзаганаж, инээд алдаж явдаг мэтээр төсөөлдөг юм билээ. Том биетэй болохоор нь ч тэр үү, зарим хүмүүс түүнийг сав л хийвэл хэн нэгэнтэй ноцолдож явдаг байх гэлцэх нь ч бий. Гэвч тэдний энэ таамаг буруу байж.
Тайзан дээр олны инээдийг бардаг жүжигчин залуу чөлөөт цагаараа гэртээ амрах дуртай нэгэн гэсэн. Тэр тусмаа, хэвтэж амрахаас илүү эхнэр хүүхдээ гарынхаа хоолоор дайлах гээд гүйчихдэг гэж байгаа. Цаг наргүй их ажил, шоу тоглолтынхоо дараа амрах зав чөлөө гарвал янз бүрийн хоол хийх гээд гэртээ “шигдчихдэг” хэмээн найзууд нь түүний талаар хошигнодог аж.