Бразилийн нийслэл Рио Де Жанейро хотноо 9 сарын 13-нд эхэлсэн олон улсын рок хөгжмийн наадам үргэлжилж байна.
Дэлхийн шилдэг уран бүтээлчдийг цуглуулж, мөн дэлхийн өнцөг булан бүрээс хөгжим сонирхогчдыг татаж чаддаг энэ наадам 7 хоног үргэлжилж, Рио хот олны хөлд дарагдлаа. 1985 оноос эхлэн зохион байгуулагдаж байгаа Риогийн рок хөгжмийн наадмыг жил бүр хэдэн зуун мянган хүн ирж үзэж сонирхож байгаа юм. Урлаг сонирхогчид хэдэн хоногийн өмнөөс өөрсдийн хайртай шүтэн биширдэг дуучнаа харж, уран бүтээлийг нь сонсохын тулд хэд хоногийн өмнөөс эхлэн цэнгэлдэхийн гадна цуглаж, хонон өнжиж, наадмын нээлтийг хүлээж байгаа юм. Энэ жилийн наадмын 600 мянган тасалбар аль хэдийнэ худалдаалагджээ. Рок хөгжмийн наадам зохион байгуулагдах энэхүү 150 мянган кв.м талбайтай цэнгэлдэхийг дараагаар нь 2016 оны зуны Олимпийн наадмын үеэр зохион байгуулах юм. 2 жилд нэг удаа зохион байгуулагддаг энэ наадмыг жилдээ 600-700 мянган хүн үзэж сонирхдог байна. 2011 оны наадмыг 700 мянган хүн үзэж сонирхжээ. Рок хөгжмийн наадам Испаний Мадрид, Португалийн Лиссабонд ээлжлэн зохиогддог байна. Риод энэ жил 5 дахь удаагаа зохиогдож байгаа юм. Рио Де Жанейро хот энэ удаад аялал жуулчлалаас 480 сая долларын ашиг орлого олохоор төлөвлөж байгаа гэнэ.
