16 настай М.Баттүшиг хүү MIT сургуулийн шалгалтыг өгч хамгийн дээд оноо аван дэлхийн олон орны 160 мянган хүүхдээс оноогоороо нэгдүгээрт жагссан билээ. Түүнийг Дэлхий нийтээр шагшин магтаж байна.
М.Баттүшиг охин дүүгийн хамт гэрийнхээ гадаа
Тэрбээр 15 настайдаа Монголын нийт 20 сурагчийн дунд анх удаа явуулсан Mассачусетсийн “edX” онлайн хичээлийг үзэж, “Сант” сургуулийн сурагч 100 оноотой суралцсанаар Массачусетсийн Технологийн их сургуульд элсэх эрхтэй болсон ажээ.
Ийнхүү дэлхийн нэртэй сургуульд тэнцсэнээр тэрбээр “edX” онлайн хичээлийн хамгийн өндөр оноо авсан олон улсын 320 сурагчийн нэг болж байж.
Баттүшигийн унтлагын өрөөн дэх ширээ
Барууны хэвлэл мэдээллийн гигант Нью-Йорк таймсын сэтгүүлч Лаура Паппано түүнийг “Улаанбаатарын сод ухаантай хүү” хэмээн бичсэн бөгөөд түүний өнөөдрийг хүртэлх амжилт, амьдрал болон манай нийслэлийн хөгжил, эмх замбараагүй байдал, эрсдэлтэй талуудыг нийтлэлдээ шигтгэж өгчээ.
Боловсрол нийгмийн асуудлаар мэргэшсэн сэтгүүлч бүсгүй М.Баттүшигийн гэр бүлтэй бяцхан зоог барих үеэр хүүгийн аав Мянганбаяр, “Манай хүү үргэлж боддог. Асуудал бүрийг хэрхэн шийдэх вэ гэж цаг үргэлж нухацтайгаар санаа дэвшүүлэх зуураа хүмүүст хэрэгтэй сайхан зүйл бүтээмээр байна гэж ярьдаг” хэмээн хуучилжээ.
Т.Бэх
