“Монгол туургатан” хүүхдийн урлагийн уламжлалт IV наадам Монгол Улсын Засгийн газрын ивээл дор зохион байгуулагдаж байгаа билээ. Уг наадам энэ сарын 22-ныг хүртэл үргэлжлэх аж.
Наадамд Монгол Улс, Өвөрмонголын болон Шинжаан Уйгарын өөртөө засах орон, ОХУ-ын Буриад, Тува, Халимаг, Саха улс, Эрхүү мужийн тойргийн авьяаслаг хүүхэд багачууд оролцон хамтарсан тоглолт зохион байгуулах гэнэ.
Энэхүү наадам нь хүүхэд, өсвөр үеийнхэнд монгол туургатны соёл урлагийн их өв санг танилцуулах, сурталчлах, эзэмшүүлэх, тэдний авьяас чадварыг хөгжүүлэх, улс үндэстний хүүхэд, багачуудын найрамдал нөхөрлөлийг бэхжүүлж, үндэсний соёл, зан заншлаараа бахархах үзлийг төлөвшүүлэх зорилготой юм байна.
www.URLAG.mn
