“Бүрэнхий” киноны од Роберт Паттинсон хүрэн үст бүсгүйтэй цагийн зугаатай өнгөрүүлэх болсон талаар мэдээлэл цацагдсан ч яг хэн болохыг нь хэвлэлийнхэн мэдэж чадаагүй байсан юм. Тэгвэл тэрхүү бүсгүйг хэн болохыг тодруулж дөнгөжээ. Түүнийг Сидни Либес гэдэг бөгөөд фитнесийн багш гэнэ. Хачирхалтай нь Робын өмнөх найз бүсгүй Кристен Стюарттай царай төрхийн хувьд төстэй харагддаг ажээ.
“Сидни царай төрхийн хувьд Кристентэй төстэй болохоос зан чанарынхаа хувьд их өөр. Тэр аливааг бодитоор хардаг, эрч хүчтэй, хөнгөхөн сэтгэж чаддаг. Харин Кристен ааш муутай, худал бүсгүй. Сидни Роб хоёр сайхан хос болно” гэж ойрын гэх эх сурвалж хүүрнэжээ.
“Хар жагсаалт” киноны зураг авалтын үер Роб Сидни хоёр танилцаж, болзоонд явснаар харилцаа нь эхэлжээ. Сидни спорттой дуртай, бие галбир сайхантайгаас гадна их өөдрөг, эрч хүчтэй бүсгүй ажээ.
www.URLAG.mn
