Чимэглэх урлаг, ханын арьсан чимэг зэрэг олон сонирхолтой бүтээл дэлгэсэн “Нэг хэсэг” үзэсгэлэн “Сувд арт” галерейд өчигдөр нээлтээ хийлээ.
Энэ үзэсгэлэн нь СУИС-ийн ДУС-ийн Я.Эрдэнэчимэгийн Чимэглэх урлагийн урланг 2008, 2010 онд төгссөн Б.Баасанхүү, Э.Бямбасүрэн, Б.Даваажаргал, А.Дэлгэрмаа, Б.Ням-Очир, Р.Сэнгүм, Э.Уранзаяа нарын залуу уран бүтээлчдийн анхны үзэсгэлэн юм байна.
“Нэг хэсэг” гэх содон нэртэй уг үзэсгэлэнд дээрх долоон уран бүтээлчийн энэ онд туурвисан судалбар болон тосон зураг, арьсан ханын чимэг зэрэг 30 гаруй бүтээл дэлгэгдэж байгаа бөгөөд 14 хоногийн турш үзэгчдэд нээлттэй хүрэх аж.
www.URLAG.mn
