Монголын орчин үеийн уран зохиолыг үндэслэгчдийн нэг, их зохиолч Д.Нацагдоржийн хөшөөний буурийг сэлгэж, “Улаанбаатар” зочид буудлын урд талд байрлуулсан. Нийслэл хотын 374 жилийн ойг тохиолдуулан хөшөөний нээлтийг хийж, хотын удирдлагууд оролцлоо.
Нийслэлийн иргэдийн төлөөлөгчдийн тэргүүлэгчдийн ээлжит хуралдаанаар Үндэсний соёл амралтын хүрээлэнд байрлаж байсан Д.Нацагдоржийн хөшөөг нүүлгэхээр шийдвэрлэсэн. Уг шийдвэрийн дагуу долоон метр өндөр, есөн тонн жинтэй хөшөөг энэ сарын 16-нд буулгасан.
Анх Д.Нацагдоржийн хөшөөг босгох тухай 581 дүгээр тогтоолыг БНМАУ-ын Сайд нарын зөвлөлөөс 1956 онд гаргасан байна. Энэ дагуу уран барималч Махбалын зохиосон загвараар, Төрийн шагналт, уран барималч Н.Жамбаагийн удирдлагаар Монголын урчуудын эвлэлийн хорооны дүрслэх урлагийн баримлын тасгийн уран бүтээлчид Ардын хувьсгалын 40 жилийн ойг тохиолдуулан босгож байжээ.
www.URLAG.mn
