Өнгөрөгч баасан гариг буюу 5 сарын 4-ний өдөр Өвөрхангай аймгийн Хөгжимт драмын театрт залуу дуучин Энхболдын Чулуунчимэгийн “Санаандгүй учирсан дурлал” цомогт зориулсан баяр, анхны уран бүтээлийн тоглолт болж өнгөрлөө. Тус тоглолтын гол сюрприз нь СТА Д.Намсрайноров байсан бөгөөд түүнийг ирэх сургаар Өвөрхангайчууд тоглолтын тасалбарыг эртлэн захиалж, тэр ч бүү хэл тоглолт дууссаны дараа аймгийн эрүүл мэндийн нэгдэлийн эмч бүсгүйчүүд дуучинтай тусгайлан уулзуулж өгөх захиалга ч өгөөд амжжээ. “Санаандгүй учирсан дурлал” тоглолт тасалбараа зарж эхэлсэн цагаасаа л сюрпризээр дүүрэн байсан агаад дуучин Намсрайноровыг тайзнаа гарч ирэхэд үзэгчид даган дуулж 3-4 удаа дахиулж алга нижигнүүлэн ташсан. Энэ явдал уран бүтээлчид Өвөрхангайчуудыг мартахын аргагүй тод сэтгэгдэл үлдээсэн бизээ. Тэр дундаа эмч бүсгүйчүүдийн захиалга урьд өмнө хөдөө орон нутгийн тоглолтын үеэр гарч байгаагүй үйл явдал юм хэмээн тоглолтын бүрэлдэхүүнд явсан уран бүтээлчид жиг жуг хийжээ. Өөрийн бие даасан “Хонгор чамдаа” аялан тоглолтоос хойш Өврийн сайхан хангай нутгийг зориогүй байсан дуучныг эмчтэй, эрч хүчтэй алга нижигнүүлэн угтсан Өвөрхангайчууд сайхан уран бүтээлээс гадна сайхан хөмсөгтэй залуу хэмээн үнэлдэг нь ийнхүү тоглолтын үеэр харагдаж байсан юм.
