Ирэх жил 25 жилийнхээ ойг тэмдэглэх гэж байгаа “Харанга”-ийнхан фэнүүддээ зориулж “Haranga online cover” нэртэй дууны уралдаан зарлажээ.
Уралдаанд оролцохын тулд Haranga | Харанга хуудсанд like дарж нэгдэх ёстой гэнэ. Оролцогчид зөвхөн “Харанга”-ын дуунаас дуулах бөгөөд гоцлол болон хамтлагаараа өрсөлдөж болох нь ээ. “Харанга”-ын фэнүүд та бүхэн хайртай хамтлагийнхаа дууг дуулсан бичлэгээ чанартай гүйцэтгэн, Youtube, soundcloud зэрэг сайтуудад тавьж, линкийг Haranga | Харанга хуудсанд share хийх журамтай. Бичлэгийг өнгөрсөн сарын 26-аас энэ сарын 15 хүртэл хүлээн авах аж.
Уралдаанд шалгарсан шилдэг 12 оролцогч дараагийн шат буюу "HARANGA live cover" тэмцээнд өрсөлдөх юм байна. Оролцогч та бүхний коверуудыг like, share хийсэн тоогоор болон шүүгчдийн үнэлгээгээр шүүн тунгаах ажээ.
www,URLAG.mn
