Орчин үед номын санг мэдээлэл, соёл боловсролын байгууллага гэж тодорхойлж байгаа нь нийгэмд номын сангийн гүйцэтгэх үүрэг улам нэмэгдэж байгааг харуулж буй юм.
Улсын Драмын Эрдмийн Театр гэхэд л уран бүтээлчид, ажилчдынхаа оюуны боловсролд хувь нэмэр оруулах, чөлөөт цагийг үр бүтээлтэй өнгөрүүлэх зорилт тавин номын сантай болжээ. Энэ нь мэргэжлийн урлагийн байгууллага дундаас хамгийн анх удаа байгууллагын дэргэдэх номын сан нээснээрээ онцлогтой юм. Тус номын сан нь нийт 800 гаруй номтой бөгөөд утга зохиол, ажил мэргэжлийн, эрүүл мэндийн гэсэн үндсэн төрлөөр үйлчилгээ үзүүлэх аж. Мөн тус номын санд 2013 оныг хүртэлх хугацаанд тайзнаа тавигдсан 286 жүжгийн 233 бүтээл хадгалагдаж байна. Улсын драмын эрдмийн театрын жүжигчин СТА Г.Амгаланбаатар “Манай театрын уран бүтээлчдийн хувьд ном зохиолоо гадагшаа гарч унших шаардлагагүй болсон. Шинэ номын сантай болсондоо баяртай байна” гэв.
www.URLAG.mn
