Хөдөлмөрийн баатар, Ардын уран зохиолч Б.Лхагвасүрэнгийн зохиол, Б.Баатарын найруулга “Тамгагүй төр” жүжгийг “Монгол хаан” театрынхан 180 удаа тоглон, гадаад, дотоодын үзэгчдэд хүргээд байна. Түүнчлэн Их Британи, Умард Ирландын Нэгдсэн Хаант Улсын нийслэл Лондон хотын “Колизиум” театрт “Монгол хаан” нэрээр мөн толилуулсан бол энэ сарын 17-ноос дэлхийн аялал жуулчлалын чухал төвүүдийн нэг Сингапур улсын “Марина Бэй Сэндс” цогцолборт тоглохоор болоод буй.
