Хөгжмийн зохиолч Цэндээгийн Цэн.Эрдэнэбат хит дуунуудаасаа бүрдсэн тоглолтыг хийх гэж байна.
“Морин хуур” наадмын хоёр удаагийн Гранпри, “Алтан намар” хөгжмийн наадмын найман удаагийн шагналт хөгжмийн зохиолч Цэн.Эрдэнэбат нь сонат, аяз, уран сэтгэмж, элегия болон 70 орчим дан хөгжмийн бүтээлүүдээс гадна 300 гаруй дуу, дуулаачийн таван романс, дан найрал дуу, киноны хөгжим гэх мэт олон арван бүтээл туурвисан юм.
Монголын орчин цагийн мэргэжлийн хөгжмийн зохиолчдын төлөөллийн нэг Цэн.Эрдэнэбатын тоглолт энэ сарын 15-нд “UB palace”-ын концертын их танхимд 19.00 цагаас болно.
Тоглолтод:
- МУГЖ Ч.Бат-Эрдэнэ “Монгол нутагтаа”,
- МУГЖ Л.Болдбаатар “Санахын гэгээ”, “Хун цагаан хайр”, “Ангир намар”, “Амь халуун”
- МУГЖ Ө.Уянга, Д.Ширмэнтуяа “Ижий улирал”
- МУГЖ Д.Отгонжаргал “Аавдаа”
- МУСТА Л.Чулуунбаатар “Миний л амраг аа”, “Бодлын бороо”, “Цаг мөнхийн хайр”
- МУСТА Д.Хишигбаяр, Р.Дэлгэрмаа “Би чамд хайртай”, “Марал буусан шөнө”
- МУСТА Л.Банзрагч “Чамайгаа санана”
- МУСТА Д.Намсрайноров “Солонгын өнгөтэй чи минь”, “Ижий дарь эх”
- МУСТА П.Идэржавхлан “Ижий энтэй эгч”, “Аавыгаа санахаар”, “Хөөрхөн чамтайгаа”
- МУСТА Э.Төрмандах “Молорын дуу”
- МУСТА А.Түмэн-Өлзий “Сэтэрт тал”, “Ижий зөн”
- МУСТА Г.Эрдэнэчимэг, Б.Алтанжаргал, Б.Батцэцэглэн “Мөнх тэнгэрийн хурай”
- МУСТА Б.Долгормаа “Цагаан дарь эх”
- МУСТА Б.Эрдэнэхүү “Уулзъя андуудаа”
- МУСТА Б.Монголхүү, Б.Уранзолбоо “Хуримын дуу”
- Дуучин Н.Ундрал “Сайхан ч юмдаа Монгол хүн болж төрөх”, “Амьдралын гэгээ”
- “Увертюра” хамтлаг “Алунгоо” зэрэг уран бүтээлээрээ оролцох аж.
