Олон улсад нэр хүндтэй Венецийн биеннальд 2019 онд эх орноо төлөөлөн оролцож байсан уран бүтээлч Э.Жанцанхорол бие даасан хоёр дахь үзэсгэлэнгээ “Хоёр дахь ургалт” нэртэйгээр “Лхам” арт галерейд дэлгэлээ. Энэ удаагийн үзэсгэлэнд тэрбээр тал нутгаас элбэг олддог хамгийн энгийн эд зүйлсийг ашиглан бүтээсэн бүтээлүүдээ дэлгэснээрээ онцлог.
Э.Жанцанхорол нь АНУ-ын Hunter коллеж, UCLA-г орчин үеийн урлагийн чиглэлээр төгссөн уран бүтээлч юм. Тэрбээр Венецийн биенналь, Хонконгийн Арт Базель зэрэг олон улсны нэр хүндтэй үзэсгэлэнд оролцож, Маими, Нью-Йорк, Лондон, Лос-Анжелос зэрэг томоохон хотуудад бүтээлээ дэлгэж байв.
Түүний “Хоёр дахь ургалт” үзэсгэлэнгээс нөхцөл байдлаа ухаарч, дараачийн алхамд бэлдэн өөрчлөгдөх, шинээр “урган” гарч ирэх сэдвийг харж болно. Эл үзэсгэлэн ирэх арваннэгдүгээр сарын 17-ныг хүртэл олны хүртээл болно.
