Энэ намрын онцлох, гарамгай уран бүтээлчдийн нэгдсэн “Virtuoso gala concert” тоглолт 2024 оны аравдугаар сарын 31-нд Улсын филармонид болно.
“Виртүс” академиас уламжлал болгон, 21 дэх жилдээ үзэгчдэд хүргэх гэж буй уг тоглолтод энэ онд, сүүлийн жилүүдэд эх орондоо, олон улсын тайзнаа амжилт гаргасан сонгодог болон үндэсний урлагийн уран бүтээлчид, өсвөрийн шилдэг хөгжимчид уран бүтээлээ толилуулах аж.
“Virtuoso gala concert 2024”-д уран бүтээлээ толилуулах хөгжимчид, дуучид, бүжигчдийг танилцуулъя.
Сонгодог хэсэг:
- Б.Түшиг (7 настай) – А.Хевелев, “Баба Яга” /төгөлдөр хуур/
- Г.Индра – Я.Косиан, хийл, төгөлдөр хуурт зориулсан серенада /хийл/
- Д.Зөөлөнсий – Д.Поппер, Унгар рапсоди /виолончель/
- Н.Цогт – Ф.Шопен, этюд опус 10, №1 /төгөлдөр хуур/
- А.Хантөр – Й.Гайдн, виолончельд зориулсан концерт C-dur, I анги /виолончель/
- ДБЭТ-ын гоцлол дуучин Л.Бүүвэйбаатар – Ж.Верди, “Травиата” дуурийн Жермоны ари
- ДБЭТ-ын гоцлол дуучин С.Бат-Эрдэнэ – Б.Шарав, “Хувь заяа минь дээ” романс
- “Piano duo” хамтлаг – А.Бородин, “Игорь ван” дуурийн “Половецийн бүжгүүд”
- ҮУИТ-ын гоцлол бүжигчин А.Түвшинбаяр – Х.Хашхүүгийн дэглэлт “Өнчин хун”
Үндэсний хэсэг:
- Н.Ариунхур – Кристине Донкин, “Catch me if you can” /ёочин/
- Б.Нансалмаа, Б.Сод-Эрдэнэ – А.Беляев-А.Цыганков, “Цыган охин” /шанз/
- Б.Намуунаа, Б.Намуунаа – Хэ Жан Хау, Ченг Ганг, “Хос эрвээхэй” /ятга/
- Ардын бүжигчин Э.Амаржаргал – М.Мөнгөнцэцэгийн дэглэлт, Урлагийн гавьяат зүтгэлтэн Ш.Өлзийбаярын хөгжим “Нуман туульс”
- Морин хуурын чуулгын хөгжимчин Б.Энх-Амгалан – Ш.Өлзийбаяр, “Glissando and Spiccato”
- ҮУИТ-ын гоцлол бүжигчин А.Түвшинбаяр – Х.Хашхүүгийн дэглэлт, Урлагийн гавьяат зүтгэлтэн Н.Довчингийн хөгжим “Хэлхээ намба”
- “Улаанбаатар” театрын гоцлол хөгжимчин, лимбэчин Б.Мягмарцэрэн – Г.Отгонбаяр, “Өнчин цагаан ботго”
- МУК-ийн Үндэсний хөгжмийн их найрлын ерөнхий удирдаач Р.Ганбат – Х.Алтангэрэл “Тусгаар Монгол Улс” удиртгал, Р.Бат-Эрдэнэ “Тайгад дуурьсах хэнгэргийн дуун”
Тоглолтын тасалбарыг ticket.mn-ээс авах боломжтой.
