“Хүлэгү” пикчерс 2022 онд “Хавтаст хэрэг” олон ангит киног үзэгчдэд хүргэсэн. Орчин цагийн цагдаагийн байгууллага үүсэж хөгжсөний 100 жилийн ойг тохиолдуулан Цагдаагийн ерөнхий газартай хамтран бүтээсэн эл киног Б.Дамдинсүрэн найруулж, гол дүрд Гавьяат жүжигчин С.Болд-Эрдэнэ болон “Мөрөөдлийн театр”-ийн жүжигчин Г.Алтаншагай, “Тоонот” студийн артист, дуучин, жүжигчин Jason буюу Б.Баяржавхлан, УДЭТ-ын жүжигчин Г.Номуун, УДЭТ-ын жүжигчин Б.Баттогтох, залуу жүжигчин Н.Нархажид нар тоглосон юм.
Тэгвэл тус олон ангит киноны удаах бүлгийг “Хүлэгү” пикчерс, “Номадиа” пикчерс хамтран бүтээснээ толилуулж байна. Энэ бүлгийн гол дүрд өмнөх бүлэгт тоглосон С.Болд-Эрдэнэ, Б.Баяржавхлан нартай залуу уран бүтээлч Б.Хулан хамтран тогложээ.
Киног “Юнивишн”-ийн “Монгол багц”, “LookTV”-гийн “Nomadia” Originals цэсээс, мөн энэ арваннэгдүгээр сарын 9-нөөс бямба, ням гараг бүр “Боловсрол” телевизээр үзэх боломжтой.
