Монголын сэтгүүл зүйн салбарт өөрийн гэсэн олон арван мянган хэрэглэгч, уншигчтай болж, уран бүтээлчид болоод урлаг соёлын байгууллагуудыг цаг ямагт дэмжин ажилладаг урлаг соёлын мэдээ мэдээллийн нэгдсэн www.URLAG.mn сайтын хамт олон бид та бүхнийхээ энэ өдрийн амар амгаланг айлтган мэндчилж байна.
Хэвлэл, мэдээллийн байгууллага оршин тогтнож, бие даасан, хараат бус үйл ажиллагаа явуулахад уншигчдийн үнэлгээ, шүүмжлэл, санал, үзэл бодол хамгийн эрхэм байдаг. Тэр утгаараа монголын сэтгүүлзүйн салбарт үгүйлэгдэж байсан мэдээллийн төрөлжсөн мэдээллийн вэб сайт болж, мэдээллийн технологийн дэвшил, хурд, чанарыг эрхэмлэж ажиллахыг хичээж ирсэн манай хамт олны хувьд уншигч та бүхэн амжилтын маань үндэс юм.
Ажил, амралтын бүх өдрүүдээ манай сайттай хамт өнгөрүүлж, бидний бэлтгэсэн мэдээ мэдээллийг хүлээн авч уншдаг үнэнч уншигч, хэрэглэгчиддээ, 2014 он Та бүхний амьдралд мартагдашгүй, гайхалтай цаг хугацаа байхыг хүсэн ерөөе. Манай www.URLAG.mn сайт байгуулагдаад 4 жилийн нүүр үзэж байгаа энэхүү хугацаандаа олон арван уран бүтээлчидтэй хамтран ажиллаж уран бүтээлийг нь дэмжсээр ирсэн юм. 2013 он бидний хувьд амжилт бүтээлээр дүүрэн, хийсэн бүтээснээ өндрөөр үнэлүүлсэн он жил байлаа. Тодруулбал: Монголын сайтын холбооны “Шилдэг төрөлжсөн мэдээллийн вэб сайт”, Монгол улсад үндэсний сэтгүүлзүйн салбар үүсч хөгжсөний 100-н жилийн ойн хүрээнд зохион байгуулагдсан “ХЭВЛЭЛ МЭДЭЭЛЛИЙН САЛБАРЫН УРЛАГИЙН ИХ НААДАМ”-ыг 2013 оны 10-р сарын 26-28 ны өдрүүдэд Улаанбаатар хотноо амжилттай зохион байгуулж хэвлэл мэдээллийн шилдгүүдийг тодруулан,"Сэтгүүлчдийн сүлд дуу"-тай болгосон амжилтаар бид 2013 оноо үдэж 2014 оноо угтаж байна. Энэ нь зөвхөн бид бүхний шагнал бус уншигч олон та бүхэн хамт байсаны илрэл юм.
Бидний мянган мянган уншигч, хамтран ажилладаг уран бүтээлчид, хувь хүн, харилцагч байгууллага та бүхэндээ баярлалаа.
Бидэнтэй үргэлж хамт байдаг уншигч, хамтран ажилладаг байгууллага, хувь хүн та бүхэндээ сайтын хамт олныхоо зүгээс талархал илэрхийлж байна.
Хэвлэл мэдээллийн салбарт шинийг санаачлан, үйл ажиллагаа өргөжүүлсэн манай хамт олон ирэх онд илүү ихийг санаачилж, урлаг соёлын гайхалтай мэдээллийг шуурхай түгээж, нийгмийн амьдралыг тольдогч байх үүргээ нэр төртэй биелүүлэн ажиллах болно.
Таныг урлагийн тэнгэр ивээг
www.URLAG.mn