ҮДБЭЧуулгын уран бүтээлчид Монголын олон зууны тэртээх түүхийн тавцанд тодорсон домог туульсын Гоо марал, Алунгоо эхээс эхлээд төрт улсын Өүлэн эх, Бөртэ-Үжин, Дөргөнө, Сорхагтани, Чимбай, Алтан ургийн хэлхээ Самар, Мандухай зэрэг 9 хатдын түүхэн амьдралыг бүжгийн жүжгийн хэлээр өгүүлэх “МОНГОЛЫН ИХ ХАТАД” бүжгэн туульс уран бүтээл нь тайзнаа тавигдсан даруйдаа “Гоо марал-2013” наадмаас “Бүжгийн урлагийн шилдэг бүтээл” номинацийн шагнал хүртсэн юм.
Ерөнхий продюсер Г.Цоггэрэл /ерөнхий захирал/, Цомнолыг Н.Болд /дэд захирал/, Хөгмийн зохиолч Төрийн соёрхолт Б.Мөнхболд, Дэглэн найруулсан Д.Баярбаатар /ерөнхий бүжиг дэглээч/, Ерөнхий зураач Ц.Энхтуяа, Хөгжмийн найруулга М.Бирваа, Бүжиг дэглээч УГЖ А.Даваахүү, СТА Х.Хашхүү, Гэрлийн найруулагч: Ц.Эрдэнэбат, Тайзны машинист: Ц.Эрдэнэбилэг, Оёдлын мастер: МУУГЗ Д.Лхагваа, Б.Лхагвадулам, Туслах найруулагч Х.Отгончимэг, Ерөнхий менежер Б.Нямсүрэн, ҮДБЭЧуулгын маркетингийн алба ажилласан уг бүтээл дахин тоглогдохоор болжээ.
Тэгвэл энэ удаа “Монголын их хатдын туульс" бүжгэн жүжгийг нэгдүгээр сарын 24, 25, 26-нд Үндэсний дуу, бүжгийн эрдмийн чуулгын тайзнаа гурван өдөр тоглохоор болсон байна.
Бүсгүй хүний сэтгэлийн тэнхээ аливаа уян налархай хөдөлгөөн зэргээр энэхүү бүжгэн жүжиг нь бүхэлдээ өрнөх бөгөөд чадварлаг бүжигчдийн хөдөлгөөний ураар бүтээгдсэн гайхалтай бүтээлийг үзэгч та бүхэн хүрэлцэн ирж сонирхоорой.
www.URLAG.mn
