Үндэсний улсын аварга шалгаруулах үсчин, гоо сайхан, хумс, дизайн урлалын 26 дахь тэмцээн Дархан хотод болж байна.
Монголын үсчин, гоо засалчдын анхдагчдын холбоо санаачилж Хүнс, хөдөө аж ахуй, хөнгөн үйлдвэрийн яам, Жижиг дунд үйлдвэрийн газар, Дархан-Уул аймгийн Засаг даргын Тамгын газар, аймгийн Хүнс хөдөө аж ахуйн газрын дэмжлэгтэйгээр эл тэмцээнийг зохион байгуулж буй аж. Тэмцээнд Улаанбаатар хот, 15 аймгийн 180 гаруй оролцогч 23 төрөлд шилдгүүдээ шалгаруулахаар ур чадвараа сорин өрсөлдөж байна.
Ташрамд дурдахад, 2024 оны аравдугаар сард Камбож улсад зохиогдсон Азийн аварга шалгаруулах тэмцээнээс Монгол Улс 18 медаль, цомын эзэд болсон юм.
