Өнөөдөр “Одмөндөр” youtube сувгийн үүсгэн байгуулагч Г.Занданхүүгийн төрсөн өдөр. Г.Занданхүүг “Шөнийн галт тэрэг” хамтлагийн анхны бүрэлдэхүүнд багтан уран бүтээл туурвиж байснаар нь, Монголын анхны үкүлэлэ хөгжмийн “Tigerfish” хамтлагийг байгуулсанаар нь, танин мэдэхүйн arav.mn сайтыг үүсгэн байгуулж, олон сонирхолтой нийтлэл бичсэнээр нь, “Дэлхийн монголчуудын MGL радио”-гийн хөтлөгчөөр ажиллан хүмүүсийг богино долгионы радиод дахин дурлуулсанаар нь гээд олон янзаар танилцуулж болно. Харин өдгөө нэрт зураач, Урлагийн гавьяат зүтгэлтэн Т.Гоошийн удам залгасан хүү түүнийг “Одмөндөр” youtube сувгийг үүсгэн байгуулж, шинжлэх ухаан, танин мэдэхүйн олон төрлийн контентоор дамжуулан олон нийтэд бодитой эх сурвалж бүхий мэдлэг олгох, ойлголтыг нэмэгдүүлэх, мэдлэгийг тэлэх зорилгоор ажиллаж буйгаар нь хүмүүс хэдийнээ хүндэлдэг болжээ.
Залууст эх орноо хайрлах, эх орноороо бахархах бахархлыг шинжлэх ухаан, танин мэдэхүйн сонирхолтой контентуудаар дамжуулан төрүүлж буй түүнд төрсөн өдрийн мэнд хүргэе.
