Нэрт зохиолч Габриель Гарсиа Маркезийн “Зуун жилийн ганцаардал” зохиолоор “Netflix” компани цуврал бүтээхээр болсоноо 2019 онд мэдэгдэж байв. Тэгвэл тус цувралыг энэ арванхоёрдугаар сарын 11-нээс үзэгчдэд хүргэж эхэлсэн юм. Найман ангитай эл цуврал нь үзэгч болон кино шүүмжлэгчдээс өндөр үнэлгээ аваал байна. Тодруулбал, одоогоор цувралын хамгийн энхний анги IMDb-д 8.3 үнэлгээ авсан бол долдугаар анги нь 9.6 байна.
Сонирхуулахад, “Зуун жилийн ганцаардал” романаа Колумбийн алдарт зохиолч Гарсиа Маркес 1965-1966 оны хооронд 18 сарын турш Мехико хотод бичжээ. Энэхүү бүтээлийн анхны санаа нь 1952 онд зохиолч өөрийн төрсөн Аракатака тосгонд эхийнхээ хамт очих үед гарсан гэдэг. Гарсиа Маркес анх шинэ романаа “Гэр” гэж нэрлэхээр төлөвлөж байсан гэдэг. 1967 анх хэвлэгдсэн эл роман дэлхийн 35 хэлээр орчуулагдан уншигчдад хүрчээ.
“Зуун жилийн ганцаардал” романл нь Хосе Аркадио Буэндиа ба Макондо тосгон болон түүний удмынхны 100 жилийн амьдралыг харуулсан зохиол юм. Үхэл ба амьдрал, хүсэл мөрөөдөл зэргийг зохиолдоо чадмаг хослуулж, Буэндиагийн гэр бүлийнхний ганцаардмал хувь заяаг дүрслэн үзүүлжээ. Буэндиaгийнхний зургаан үеийн амьдрал ид шид, уран зөгнөл, шашны эрс тэс уур амьсгал, хэрүүл тэмцэл, ололт амжилт зэрэг амьдрал дээр байж болох бүхий л зүйлсийг энэ зохиолд тусгасан болно. Энэ удмынхны эхнийх нь модонд хүлүүлж, эцсийнх нь шоргоолжинд идүүлж үхэх эмгэнэлт хувь тавилан хүлээж байна. Хайр харуусал хүний амьдралын тааж боломгүй хувь заяаг харуулна.
