“Ахлах сургууль” кинонд СУИС-ийн оюутан ахуйдаа тоглосноор уран бүтээлийн гараагаа эхэлсэн жүжигчин О.Самданпүрэв үргэлжлүүлэн “Байрны ах”, “Хамгийн азтай үе”, “Deja vu”, “1990”, “Зориг”, “Сүүдэрт ургасан цэцэг”, “Манан”, “Залхуус”, “Бяцхан чөтгөрийн хүсэл”, “Цасан хүн”, “Нэг талын тасалбар”, “Чиний төлөө”, “Ноён эмэгтэй”, “Бэхэн зүрх”, “13-р сар”, “Ээжээ зорино”, “Андгай”, “Улаан явар”, “Өмнөдийг зорих замд”, “Цагаан туг” зэрэг бүрэн хэмжээний уран сайхны кино, “Фантастик” продакшны “37-р точка”, “Монгол” телевизийн “Siuts” зэрэг олон ангит кинонд тогложээ. Харин тайзны уран бүтээлийн хувьд тэрбээр УДЭТ-ын уран бүтээл, Урлагийн гавьяат зүтгэлтэн, найруулагч Ч.Найдандоржийн “Нүцгэлээч”, Төрийн соёрхолт, Урлагийн гавьяат зүтгэлтэн Н.Наранбаатарын найруулсан “Хаадын хаан: Андгай”, “Про” театрын бүтээл, найруулагч О.Итгэлийн “Шадар гурван цэрэг” жүжгийн гол дүр буюу Д’Артаньян, “Монгол хаан” театрын бүтээл, Хөдөлмөрийн баатар, Ардын уран зохиолч Б.Лхагвасүрэнгийн зохиол “Тамгагүй төр” жүжгийн Ханхүүгийн дүрээр үзэгчидтэй тайзнаас “уулзсан”. Тэгвэл тэрбээр дэлгэцийн хоёр ч уран бүтээлээр үзэгчидтэй дахин “уулзаж” байна. Тодруулбал, түүнийг тоглосон “Хайрын бэлэг” кино Univision, Looktv, Ddish-ээр яг одоо үзэгчдэд хүрч буй бол ирэх 2025 оны нэгдүгээр сарын 1-нээс “Mongol stunt team”-ийн бүтээл “B1 давхар” кино нь олны хүртээл болох юм.
