Хөдөлмөрийн баатар, Соёлын гавьяат зүтгэлтэн, зохиолч, яруу найрагч Чинагийн Галсан уншигч олонтойгоо 81 насны төрсөн өдрөө тэмдэглэхээр болжээ. Тэрбээр арванхоёрдугаар сарын 28-ны 12.00 цагт “Chuu chuu house”-д уншигчидтайгаа уулзах юм. Энэ өдөр зохиолч уншигчдын уулзалт болохоос гадна хямдралтай, гарын үсэгтэй номын худалдаа болно. Мөн зохиолчийн дэлхийн олон арван хэлээр түгсэн бүтээлүүдээр үзэсгэлэнг гаргах юм.
Үүнээс гадна “Хөх тэнгэр сонсож бай” романаар зохион байгуулсан номын тэмдэглэл, гэрэл болон гар зураг, рийл бичлэгийн уралдаанд оролцсон уншигчдын бүтээлүүдийг танилцуулна. “Ножо” хэвлэлийн газраас Чинагийн Галсан багц буюу “Хөх тэнгэр сонсож бай”, “Аянгат цагийн тууж”, “Арван сарын тэнгэр дор”, “Эр хар сур” бүтээлийг 92-80 мянган төгрөг болгон хямдруулж бэлэг барьж байгаа аж.
