“Улбар” хэвлэлийн газар зохиолч, яруу найрагч Баяртогтохын Батрэгзэдмаа агсны бүтээлийг эрхлэн гаргах үүрэг хүлээгээд буй. Тодруулбал, одоогоос жил гаруйн өмнө тус хэвлэлийн газрын хамт олон түүнтэй хэд хэдэн бүтээлийг нь (хуучин болон шинэ) гаргахаар тохиролцсон байжээ. Ингээд зохиолчийн өвийг үлдээх, хойчийн уншигчдад түгээх үүднээс түүний охин Б.Анартай гэрээг үргэлжлүүлэн ажиллаж байгаа аж.
“Улбар” хэвлэлийн газрынхан хамгийн түрүүнд зохиолчийн “Зөвхөн хайр” түүврийг ахин хэвлэжээ. Ингэхдээ уг номын өмнөх өнгө аясыг хадгалан шинэчлэн хэвлүүлэхээр шийдсэн байна.
Ингээд “Зөвхөн хайр” хайрын шүлгийн түүврийг утга зохиол, яруу найрагт дурлагсдад өргөн барьж байна. “Зөвхөн хайр” номыг “Улбар” хэвлэлийн газрын вэбсайтаас болон “Anjuna Book&Art”, “Анар” номын дэлгүүрээс авах боломжтой.
Хүндэтгэсэн,
Улбар
