Загварын ертөнцөд өөрсдийн гэсэн өнгө төрх, орон зайг хэдийнэ бий болгож, загварын ертөнцийн залгамж халаа болсон олон чадварлаг мисс, моделиудыг бэлтгэсээр, амжилттай үйл ажиллагаагаа явуулж буй “ТАНСАГ МОДА” загварын агентлаг нь энэ сарын 18-нд “The Corporate Convention Centre”-т 20:00-н цагаас албан ёсны нээлтийн шоугаа зохион байгуулахаар болжээ.
Тус нээлтийн шоуг “The Corporate Convention Centre”, “МОТТОО”, “URAN BOUTIQUE” нар дэмжин ажиллаж байгаа бөгөөд урилгаар хөтлөгч “Ууганаа”, “Lemons” хамтлаг, Naagii n” Jazz band, BTB DJ, A COOL, нар оролцох аж.
“ТАНСАГ МОДА” загварын агентлаг нь 2014 оноос эхлэн АНУ-ын Модель агентлагтай туршлага солилцож гэрээ байгуулан хамтран ажиллаж байгаа бөгөөд Монголынхоо нүүр царай болсон охид, залуусыг бэлтгэх, олон улсад нийцсэн шилдэг моделыг төрүүлэх зорилготойгоор үйл ажиллагаагаа явуулж буй тус агентлаг нь Тайзны алхаа, Харьцааны соёл, Фото хичээл, Зөв хооллолт, Хувцаслалт, Нүүр будалт, Бүжгийн хичээл гэх мэт олон төрлийн хичээлүүдийг мэргэжлийн өндөр ур чадвартай багш нарын удирдлага нь дор явуулдаг аж.
Дэлгэрэнгүй мэдээллийг: 98118007: 99110459: 96015158
