“Хар тас” хамтлаг болон дэлхийн алдарт “Snap!” хамтлагийн гишүүн Turbo B нарын хамтарсан тоглолтын талаар хэвлэлийн хурал боллоо.
Энэ үеэр “Хар тас” хамтлагийн ахлагч Марка “Маргааш буюу 12-р сарын 28-нд манай хамтлагийн түүхт 33 жилийн ойн баярын тоглолт болох гэж байна. Энэ тоглолтыг би 30 гаруй жил мөрөөдөж явсан. Домогт “Snap!”-ыг урин авчирсандаа баяртай байна. Мөрөөдөл биелдэг юм гэдэг үнэн юм байна. Одоо нэг ширээн дээр цуг сууж байна, Маргааш нэг тайзан дээр цуг тоглоно. Миний мөрөөдөл биелж байна. Тоглолт маань 3-4 цаг үргэлжилнэ” гэсэн бол “Snap!” хамтлагийн гишүүн Turbo B “Маргааш хэр их хүн ирэх, ямар уур амьсгалтай байхыг харж байгаад хэдэн дуу, ямар ямар дуу дуулахаа шийдье. Онгоцонд явахдаа Монголын хип хопыг судаллаа. Хэлийг нь ойлгохгүй ч хэмнэлийг нь мэдэрлээ” гэсэн юм.
Уг тоглолт 12-р сарын 28-нд “ASA arena” буюу хуучнаар Улсын циркт болох ажээ.
