Дуучин Г.Эрдэнэтунгалаг, Т.Батсайхан нарыг хослон дуучин бөгөөд “Ханьсахын жаргал”, “Бодолд өнжсөн хайр” зэрэг дуугаар нь сонсогч фэнүүд нь андахгүй сайн мэднэ.
Хослон дуулж гарч ирсэнээс хойш бие даасан уран бүтээл хийж эхэлсэн бөгөөд Г.Эрдэнэтунгалагийн хувьд хоёр ч удаа ганцаараа бие даасан тоглолт хийсэн байгаа. Харин Т.Батсайханы хувьд уран бүтээлээсээ түр хөндийрч хувийн бизнес эрхэлж эхэлсэн гэдэг. Түүнчлэн бизнесээ эрхлэхийн хажуугаар сонгодог урлагаар тайлан тоглолт хийх төлөвлөгөөтэй байгаа аж. Түүний хувьд СУИС-ийг дуурийн дуулаач мэргэжлээр төгссөн бөгөөд гавьяат жүжигчин О.Ичинхорлоогийн гарын шавь юм. Нэгэнт ийм сайхан мэргэжил эзэмшсэн тул санаж, бодож явдагаа гүйцээж удахгүй дан сонгодог бүтээлээс бүрдэх тоглолт хийхээр зэхэж байгаагаа дуулгалаа.
Эх сурвалж www.wikimon.mn
