Японы Токио хотноо нэгдүгээр сарын 21-23-ны өдрүүдэд болсон “World Ballet Grand Prix Tokyо” уралдаанд “Монголын балетын хөгжил” сангийн дэргэдэх Монголын балетын үндэсний сургуулийн сурагчид амжилттай оролцож алт, мөнгө, хүрэл бүхий найман медаль хүртжээ.
Багийн төрөлд
- Т.Энхсүрэн багшийн удирдсан 6-8 насны сурагчдын “Exotika” хамтлаг алтан медаль
- Ч.Ганчимэг, Ц.Жаргалан багш нарын удирдсан 9-11 насны “Copellia” хамтлаг алтан медаль тус тус хүртлээ.
Соло буюу ганцаарчилсан төрөлд
- Kids colo | Ч.Гэгээн хүрэл медаль, Ц.Амина тусгай байр
- Pre- Junior (А) | А.Танангоо хүрэл медаль
- Pre-Junior (B) | М.Ингүүмэл мөнгөн медаль
- Junior (A) | Э.Марал, З.Анирлан нар хүрэл медаль
- Best Artist | А.Танангоо алтан медаль тус тус хүртлээ.
ЮНЕСКО-гийн FIBC (Federacion Internationale de Ballet Competitions) болон Олон Улсын балетын “Шорюү” нэгдэл хамтран балетын хөгжлийг дэмжих зорилгоор энэхүү уралдааныг зохион байгуулдаг ба Монгол Улсын Соёлын элч, Гавьяат жүжигчин Д.Алтанхуягийн үүсгэн байгуулсан Балетын үндэсний сургуулийн сурагчид ийн 2 дахь жилдээ амжилттай оролцохын сацуу нэгдсэн сургалтад хамрагджээ.
