“The wasabies” хамтлаг Монгол Улсын Соёлын элч болсон талаар тус хамтлагийн продюсер, Урлагийн гавьяат зүтгэлтэн Б.Наранзун фэйсбүүк хуудсаараа дамжуулан мэдэгджээ.
Тэрбээр “The Wasabies нь Монгол Улсын“Соёлын элч”-ийн үүрэгт ажлаа хүлээж авлаа. Өөрсдийн дуу хоолой, уран бүтээлээр дамжуулан Монгол Улсын нэр хүндийг өндөрт өргөх, Монгол Улсыг хилийн чанадад сурталчлах, Монгол Улсын эерэг үлгэр дуурайллын төлөөлөл болох үйлсэд хүчин зүтгэх болно” хэмэсэн байна.
Ташрамд дурдахад, “The wasabies” хамтлаг нь 2018 онд “Боловсрол” телевизээс зохион байгуулсан “Оддын академи” шоунаас төрөн гарсан бөгөөд “Girls generation” дуугаар дебют хийж байв.
2018 онд таван хүний бүрэлдэхүүнтэйгээр байгуулагдаж байсан юм.
