“Чингис хаан” одонт, Монгол Улсын Гавьяат жүжигчин, дуурийн дуучин Г.Ариунбаатар өдгөө ОХУ-ын “Мариинский” театраар овоглож буй.
Тэрбээр өнгөрсөн нэгдүгээр сард Италийн “Режио” театрт Ж.Вердийн “Жованна Д’Арко” дуурийн Жакомод дуулан 2025 оны тоглолтуудаа эхлүүлсэн бол энэ хоёрдугаар сард “Мариинский” театртаа Ж.Вердийн “Аида” дуурийн Амонастрод дуулсан байна. Мөн ирэх баасан гарагт буюу энэ сарын 28-нд тэрбээр Ж.Вердийн “Дон Карлос” дуурийн Родригод тоглох юм.
Түүнчлэн ирэх гурав, дөрөвдүгээр сард Францын Лион хотын Дуурийн театрт Ж.Вердийн “La forza del Destino” дуурьт Дон Карлогийн дүрд дуулахаар сургуулилалтаа базааж буй аж.
Ташрамд дурдахад, Г.Ариунбаатар өнгөрсөн жилийн сүүлийн улиралд л гэхэд “Марийнский” театраасаа гадна алдарт Большой театр, Франц улсын Гренобль хотын театр, Парис хотын филармонийн тайзнаа урилгаар дуулжээ.
