97 дахь удаагийн “Оскар”-ын шагнал гардуулах ёслол 2025 оны гуравдугаар сарын 2-нд АНУ-ын Лос Анжелес хотод Холливудын “Долби” театрт болно.
Эл шагнал гардуулах ёслолын үеэр өнгөрөгч 2024 онд нээлтээ хийсэн кинонуудаас шигшиж, 23 төрөлд шилдгийг шалгаруулан, “Оскар”-ын шагнал гардуулах юм. Ёслолын ажиллагааг ABC телевиз болон “Hulu сувгаар шууд дамжуулах юм байна.
Өнөө жилийн шагнал гардуулах ёслолын үеэр дуучин Ариана Гранде үзүүлбэр үзүүлэхээс гадна Өмнөд Солонгосын “Blackpink” хамтлагийн гишүүн Lisa, Америкийн уран бүтээлч Doja Cat, Британийн дуу зохиогч, дуучин Raye нар хамтран үзүүлбэр үзүүлэхээр болжээ. Ингэснээр “Blackpink” хамтлагийн гишүүн Lisa “Оскар”-ын шагнал гардуулах ёслолд үзүүлбэрээ үзүүлэх анхны к-поп уран бүтээлч болж буй юм.
