Дорнод аймгийн Хөгжимт драмын театрын гоцлол бүжигчин О.Долгормаа ХБНГУ-ын Берлин хотноо хоёрдугаар сарын 21-25-ны хооронд зохион байгуулагдсан Дэлхийн бүжгийн олимп гэгддэг “Tanzolymp” олон улсын бүжгийн уралдааны финалын шатанд амжилттай оролцож, гутгаар байр эзэлж, хүрэл медаль хүртлээ.
Бүжигчин О.Долгормаа өнгөрсөн нэгдүгээр сард Итали улсад болсон “Grand prix di Natale-2024” олон улсын уралдаанд тэргүүн байр эзэлсэн юм. Тэрбээр энэхүү уралдаанд 10 орны 120 гаруй бүжигчинтэй өрсөлдөн, Ө.Ариунбаатарын хөгжим, А.Санчирдоржийн дэглэлт “Зүүдний ганга” бүтээлийг тайзнаа толилуулж байв.
