Монгол Улсын Гавьяат жүжигчин, УДБЭТ-ын дуурийн гоцлооч Ө.Уянгын төрсөн өдөр өнөөдөр тохиож байна.
Хөвсгөл аймгийн Мөрөн сумын уугуул Ө.Уянга СУИС-ийг 2002 онд Гавьяат жүжигчин Д.Бандийн удирдлагад төгсөж, үргэлжлүүлэн ОХУ-ын Новосибирск хотын Глинкийн нэрэмжит Консерватор, Итиалийн Перигуй хотын Хөгжмийн дээд сургуулийг дүүргэжээ. Суралцаж байх хугацаандаа Оросын Ардын жүжигчин Л.Л.Линховойнагийн нэрэмжит олон улсын дуурийн дуулаачдын уралдааны тэргүүн байр, Монгол Улсын Гавьяат жүжигчин Б.Ичинхорлоогийн нэрэмжит мэргэжлийн дуулаачдын улсын уралдааны гранпри шагнал, “Морин хуур” наадмын хоёр удаагийн тэргүүн байр, гурван удаагийн гранпри шагналыг хүртэж байв.
Өдгөө сонгодог урлагт дурлагсад түүнийг Б.Шаравын “Чингис хаан” дуурийн Орбай, Хадаан, Ц.Дамдинсүрэнгийн “Учиртай гурван толгой” дуурийн Нансалмаа, Хоролмаа, Х.Билэгжаргалын “Ламбагуайн нулимс” дуурийн Цэрэнлхам, Д.Лувсаншаравын “Жаргалын зам” дуурийн Халиун, Ж.Пуччинийн “Богема” дуурийн Мими, “Тоска” дуурийн Тоска, П.И.Чайковскийн “Евгений Онегин” дуурийн Татъяна, В.А.Моцартын “Увидаст лимбэ” дуурийн Шөнийн хатан, Памина, “Дон Жуан” дуурийн Донна Эльвира, Церлина, Ж.Вердийн “Травиата” дуурийн Виолетта, “Риголетто” дуурийн Жильда, “Аида” дуурийн Аида, Ж.Россинийн “Севилийн үсчин” дуурийн Розина, И.Штраусын “Сарьсан багваахай” дуурийн Адель, Г.Доницеттийн “Лючия Ди Ламмермур” дуурийн Лючи, “Дурлалын ундаа” дуурийн Адина зэрэг гол дүрүүдийг чадварлагаар бүтээсэн авьяаслаг гоцлооч гэдгийг андахгүй мэднэ.
