Үргэлж үл ойлголцдог ээж, охин хоёрын сүнс гэнэтийн байдлаар солигдож буй талаарх хөгжилтэй түүхийг өгүүлсэн “Freaky Friday” кино 2003 онд үзэгчдийн хүртээл болж байв. Гол дүрд нь нэрт жүжигчин Жейми Ли Куртис, Линдси Лохан нарын тоглосон эл киног “Walat Disney” кино компани бүтээж байсан юм. Энэ хүү кино ердөө 26 сая ам.доллароор бүтсэн ч 160 сая ам.долларын ашиг орлогыг олж байв.
Тэгвэл тус киноны хоёрдугаар ангийг хийхээр болсон тухайгаа “Disney” компанийн зүгээс өнгөрсөн 2023 онд мэдээлж байв. Харин өнгөрсөн бямба гараг /2025.03.15/-т “Freaky Friday-2” буюу “Freakier Friday” киноны албан ёсны трейлерийг цацсан байна.
Гол дүрүүдэд Жейми Ли Куртис, Линдси Лохан нараас гадна жүжигчин Чад Майкл Мюррей дахин тогложээ. Үйл явдлын хувьд Анна хүүхэдтэй болж, Тесс эмээ болсон байх бөгөөд нэгэн хачирхалтай шөнө тэдний сүнс дахин солигдоно. Гэхдээ энэ удаа Анна өөрийн охин Харперын биед, Тесс зээ охин Лилигийн биед сэрснээр киноны үйл явдал илүү ээдрээтэй, сонирхолтой байдлаар цааш үргэлжлэх аж. Харин тэдний охидын дүрийг залуу жүжигчид болох Жулиа Баттерс, София Хаммонс нар амилуулжээ.
“Freakier Friday” киног ирэх наймдугаар сарын 8-ны өдөр зөвхөн кинотеатруудаар нээхээр товлоод байгаа юм.
