Монголын кино найруулагчдын түүчээн болсон Урлагийн гавьяат зүтгэлтэн, найруулагч, зохиолч И.Нямгаваа өөрийн гарын шавь нартайгаа хамтран бүтээсэн “Хязгааргүй” хэмээх уран сайхны киноныхоо нээлтийг тун удахгүй хийх гэж байна.
Тус киноны ерөнхий продюсерээр жүжигчин М.Дорждэрэм ажиллаж байгаа бол гол дүрд “ТВ Коктейль” хамтлагийн жүжигчин МУСТА Н.Цэнд-Аюуш, жүжигчин М.Дорждэрэм, жүжигчин У.Пүрэвжав нар тогложээ. Түүнчлэн дүрүүдэд УДЭТ-ын жүжигчин МУСТА Ц.Цэрэнболд, жүжигчин МУСТА Д.Бямбацогт, Б.Шинэбаяр, Б.Гарамханд, Н.Ууганбаяр, Б.Баярсайхан, Ж.Саранбат, Ж.Дөлбадрах, Т.Пүрэвжаргал, А.Ононгоо, Д.Баярням зэрэг түүний гарын шавь нар тогложээ.
Харин дуучин Маралжингоо “Хязгааргүй” уран сайхны киноны дууг дуулсан байна. Та бүхэндээ тус киноны дууны клипийг тун удахгүй хүргэх болно..
www.URLAG.mn
