Оюутны ширээнээс “Мөрөөдлийн театр”-т хөл тавьж, урлагийн замд тууштай хөдөлмөрлөн, туслах дүрээс гол дүр хүртэл бүтээж байгаа залуу жүжигчин Х.Намууныг онцолъё.
Х.Намуун СУИС-ийг Ардын жүжигчин Ж.Лхамхүүгийн удирдлага дор 2015 онд жүжигчин мэргэжлээр төгсжээ. 2017 онд хоёрдугаар дамжааны оюутан байхдаа “Мөрөөдлийн театр”-т шалгуулж тэнцсэнээс хойш өнөөдрийг хүртэл эл театраараа овоглож байна.
Тэрбээр өнгөрсөн хугацаанд “Мөрөөдлийн театр”-ын хоёр шоу тоглолт, таван драмын жүжигт тогложээ. Онцолбол, тэрбээр 2023 онд Ц.Балдоржийн “Шөнө буусан аадар”, 2024 онд Д.Мэндсайханы “Тод хувцастай эмэгтэй” жүжгийн гол дүрээр үзэгчидтэй уулзсан бол энэ удаа Төрийн соёрхолт, Урлагийн гавьвяат зүтгэлтэн, найруулагч Н.Наранбаатарын “Samsara: Тэртээх хоёр зүрх” драмын жүжгийн гол дүрээр тайзнаа амьдарч байна.
Харин дэлгэцийн уран бүтээлийн тухайд Х.Намуун “Карантинд 21 хоног”, “Сүүдэрт ургасан цэцэг” зэрэг уран сайхны кинонд тоглоод буй.
