Монгол Улсын Боловсролын яам, МУИС хамтран 3D виртуал сургуулийг хөгжүүлэх ажлыг эхлүүлсэн бөгөөд анхны хувилбараа танилцууллаа.
3D виртуал сургууль гэдэг нь компьютерkkр байгуулсан виртуал орчинд хэрэглэгч өөрийн аватар дүрийн тусламжтай нэвтэрч, бодит амьдрал дээр ч турших боломжгүй тэрхүү туршлагаас хамтдаа суралцах, харилцах боломжтой болж байгаа аж.
Түүнчлэн энэхүү виртуал сургуульд зочилсноор нарны аймгийн системээр аялж, гараг ертөнцийн талаар судлах, Монголын түүхэн дурсгалт газруудаар виртуал аялал хийх, “Монголын нууц товчоо”-г сонирхолтой хэлбэрээр гүнзгийрүүлэн судлах, байгалийн шинжлэх ухааны туршилтуудыг виртуал орчинд турших, өөрийн сурсан мэдсэнээ сорих, шинэлэг хэлбэрээр бататгах зэрэг олон боломжууд нээгдэж байна.
Нийслэлийн ЕБС-ийн 2, 5, 84 дүгээр сургуулийн сурагчид тус виртуал сургуулийн асуулт хариултын виртуал танхимд өөрсдийн мэдлэг оюунаа сорин өрсөлдөж, виртуал сургуулийн анхны хэрэглэгчид боллоо.
Сурагчид guyuk.mn веб сайтаас виртуал сургуулийн программыг компьютертоо татаж суулган, анги хамт олноороо шинэ үеийн боловсролын орчинтой танилцах боломжтой юм.
