“Сочи-2014″ өвлийн олимпийн уран гулгалтын төрөлд ОХУ-ын уран гулгагч, 15 настай Юлия Липницкая түрүүлж аваргын алтан медаль хүртсэн билээ. Тэгвэл уран гулгагч, 15 настай Юлия Липницкая ОХУ-ын Гавьяат тамирчин цолоор шагнагджээ.
Юлия Липницкая өнгөрсөн жил цуврал Гран прид амжилттай оролцож, шилдэг зургаан тамирчин оролцдог “Grand Frix Final”-д мөнгөн медаль хүртсэн. Улмаар энэ оны үндэсний аваргад мөнгөн медаль хүртсэн ч Европын аваргад түрүүлснээр олимпд хүчтэй өрсөлдөгч гэдгээ харуулаад авсан. Тэрээр олимпийн наадмын багийн төрөлд оролцож, үзүүлбэрээ төгс гүйцэтгэж анхны медалиа хүртэж байна.
ОХУ-ын багийн хувьд 2006 оны олимпийн аварга, олимпийн хошой мөнгөн медальт, дэлхийн гурван удаагийн аварга Евгений Плющенко, 15 настай залуу тамирчин Юлия Липницкая нар ганцаарчилсан төрөлд онцгойрсон. Тэр дундаа олимпийн наадамд анх удаа оролцож буй Юлия Липницкая дэлхийн аварга Италийн Каролина Костнер, олимпийн мөнгөн медальт, дэлхийн хошой аварга Японы Мао Асада нараас өндөр үнэлгээ авч чадсан билээ.
Багийн төрөлд алтан медаль хүртсэний дараа Юлия Липницкая Москва хотыг зорьсон. Олимпийн алтан медаль хүртэхийн тулд 11 жил хөдөлмөрлөсөн түүний хувьд 15 настайдаа ОХУ-ын Гавьяат тамирчин цолоор шагнагдлаа.
Эх сурвалж: Amjilt.com
