Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
Урлаг.мн»Дотоод мэдээ»Ардын жүжигчин Г.Түмэндэмбэрэлийн хөшөөг босгоно
Дотоод мэдээ

Ардын жүжигчин Г.Түмэндэмбэрэлийн хөшөөг босгоно

Урлаг Урлаг21/04/2025Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
Share
Facebook Twitter LinkedIn Pinterest Имэйл

Монголын ард түмний хайр хүндэтгэлийг хүлээсэн, XX зууны манлай соёл урлагийн зүтгэлтнүүдийн нэг, Ардын жүжигчин Гомбын Түмэндэмбэрэлийн хөшөөг шинээр баригдсан “Ойрад” театрын гадна талбайд босгохоор боллоо.

Г.Түмэндэмбэрэл нь 1956 оноос хойш Улсын ардын дуу бүжгийн чуулгад (УАДБЧ) 40 гаруй жил үр бүтээлтэй ажилласан бөгөөд энэ хугацаанд монгол ардын болон монголын хөгжмийн зохиолчдын олон арван дууг тайзнаа амилуулсан юм. Түүний уран бүтээл, авьяас чадвар нь монгол дууны урлагт онцгой хувь нэмэр оруулсан төдийгүй, түүний дуулах ур дүй, өнгө аяс, хэмнэл мэдрэмж нь дахин давтагдашгүй билээ.

Ардын жүжигчин Г.Түмэндэмбэрэл “Хөх торгон дээл”, “Хувиршгүй сэтгэл”, “Бүсгүй хүний заяа”, “Хүрэн хаалгатай дэлгүүр”, “Торгоны хээ”, “Будар будрын чулуу”, “Туулын урсгал шөнөдөө сайхан”, “Дуу минь”, “Бүүвэйл хорвоо”, “Усны тунгалаг Тамирын гол” зэрэг олон арван дууг дуулж, тэдгээр нь өнөөдөр ч сонсогчдын сэтгэлд хоногшсон, үе дамжин дуурсагдсаар байна.

Түүний уран бүтээлийн хажуугаар нийгмийн амьдралд ч идэвхтэй оролцсон бөгөөд Ардын Их Хурлын депутатаар удаа дараа сонгогдож, Вьетнам, Лаосын төрийн дээд шагналаар шагнуулсан нь түүний олон талт хувь нэмрийн нэгээхэн илэрхийлэл билээ.

Г.Түмэндэмбэрэл нь Увс аймгийн Өндөрхангай суманд төрж өссөн бөгөөд түүний уран бүтээл, төрмөл авьяас, хүндэтгэлтэй зан чанар нь өнөөг хүртэл соёл урлагийн салбарт үлгэр дууриал болсоор байна.

Түүний нэрэмжит хөшөө бол Монголын дууны урлагийн алтан үеийн бахархал болсон энэ эрхэм хүний гэгээн дурсгалыг мөнхжүүлэх, залуу хойч үед урлагт үнэнч сэтгэл, тууштай хөдөлмөрийн утгыг ойлгуулах чухал бүтээл болох юм.

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Дотоод мэдээ Урлаг

Ардын жүжигчин Э.Амартүвшин дэлхийн шилдэг дуурийн дуучдын жагсаалтыг тэргүүлжээ

17/06/2025
Дотоод мэдээ Урлаг

Булган аймгийн Хөгжимт жүжгийн театрын гоцлооч Б.Гантөмөр олон улсын уралдаанд тэргүүн байр эзэлжээ

12/06/2025
Дотоод мэдээ Урлаг

“Хөх толботон” хамтлаг Олон улсын хүүхдийн ардын урлагийн наадамд оролцлоо

04/06/2025

Сэтгэгдэл хаалттай

Сүүлд нэмэгдсэн

“Alice in borderland” цувралын тухай сонирхолтой баримтууд

27/06/2025

“BTS” хамтлаг эргэн ирсэнтэй холбогдуулан HYBE ажилчдаа 6.21 сая воноор урамшуулна

27/06/2025

Монголын уран бүтээлч Magnolian-ий дуу дэлхий дахинаа эгшиглэж байна

27/06/2025

“Журааны ертөнц” үзэсгэлэн дэлгэнэ

27/06/2025

“Хүрээ цам-Даншиг наадам” энэ амралтын өдрүүдээр Хүй долоон худагт болно

27/06/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.