“Монсудар” хэвлэлийн газрын хүүхдийн номын “Жангар” редакц “Монгол хүн” төслийн хүрээнд танин мэдэхүйн цуврал зурагт номыг эрхлэн гаргадаг.
Эл цувралын хүрээнд их зохиолч Д.Нацагдоржийн намтраар “Д.Нацагдорж”, Зууны манлай уртын дуучин Н.Норовбанзадын тухай “Н.Норовбанзад”, мөн “Б.Гангаамаа”, “О.Намнандорж” гэх зурагт номыг уншигчдын хүртээл болгоод буй юм.
Тэгвэл тав дахь цувралд төр, нийгмийн зүтгэлтэн С.Зориг агсны намтрыг онцлохоор болсон бол зургаа дахь цувралд Монгол Улсын Хөдөлмөрийн баатар, үндэсний бөхийн Даяар дуурсагдах далай даян дархан аварга, XX зууны манлай бөх Х.Баянмөнхийн намтрыг өгүүлэх аж.
