Дуурийн дуучин, М.Гнесинийн нэрэмжит ОХУ-ын хөгжмийн академийн магистрантур Б.Доржнамжин ОХУ-ын Ардын жүжигчин Надежда Сергеевна Краснаягийн нэрэмжит олон улсын дуурийн дуулаачдын анхдугаар уралдаанд амжилттай оролцож дэд байрын шагнал хүртлээ. Түүнд тус уралдааны шүүгч алдарт дуучин Павел Лисицианы охин Рузанна Лисициана аавынхаа сангийн тусгай шагналыг хүртээсэн байна.
Ташрамд дурдахад, дуучин Б.Доржнамжин нь өнгөрсөн оны аравдугаар сард “Grand stage awards” мэргэжлийн дуурийн дуулаачдын олон улсын уралдаанд тэргүүн байр эзлэн, гранпри шагнал хүртсэн бол арваннэгдүгээр сард ЗХУ-ын Ардын жүжигчин Муслим Магомаевын дурсгалд зориулсан “Орфей-2024” олон улсын уралдаанд амжилттай оролцож, гутгаар байр эзэлсэн юм. Түүнчлэн өнгөрсөн арванхоёрдугаар сард ЗХУ-ын Ардын жүжигчин, алдарт тенор Сергей Яковлевич Лемешевийн нэрэмжит XIII дахь удаагийн дуурийн дуулаачдын уралдаанд амжилттай оролцож тэргүүн байрь шалгарч байв.
