Оросын соёл шинжлэх ухааны төв, Монгол цэргийн музей хамтран Аугаа эх орны дайны ялалтын 80 жилийн ойг тохиолдуулан Монголын ард түмэн “Бүгдийг фронтод, бүхнийг ялалтын төлөө” үзэсгэлэнг Оросын соёл шинжлэх ухааны төвд нээлээ.
Үзэсгэлэнд Аугаа эх орны дайны үед Монголын ард түмнээс Зөвлөлтийн арми, ард түмэнд халуун сэтгэлээр тусалж байсан тухай түүхэн баримтууд, 150 гаруй гэрэл зураг, бодит үзмэрүүд дэглэжээ.
Энэхүү үзэсгэлэн 1941-1945 онд Ховд аймгийн Манхан сумаас ЗХУ-ын Бийск хот хүртэл 2700 км замыг 1000 гаруй тэмээгээр туулж, монгол түмний тусламжийн бэлгийг хүргэж өгсөн талаарх өмнө нь олны хүртээл болж байгаагүй шинэ баримтад тулгуурлан бодит үзмэр эд өлгийн зүйлээр баяжигдан 3D хэлбэрээр зохиомжлон дэглэснээрээ онцлогтой юм.
