НҮБ-ын Ерөнхий ассамблейгаас 2024 оныг Тэмээн овогтын олон улсын жил хэмээн зарласан. Энэ хүрээнд НҮБ-ын Хүнс, хөдөө аж ахуйн байгууллагаас олон улсын хэмжээнд тэмээний гэрэл зургийн уралдаан зарласан.
Гэрэл зургийн уралдаанд дэлхийн 70 гаруй орноос бүтээлээ ирүүлснээс Монголын зурагчин П.Баттулгын гэрэл зураг шилдэг бүтээлүүдийн тоонд багтсан байна. Тус гэрэл зургийн нэр нь “They lead the mountain with a rope” буюу өөрөөсөө том уул шиг тэмээнүүдийг ослоор удирдагч гэх утгатай. Зурагт дөрвөн настай хүү уламжлалт тэмээн цугларалтын үеэр аав, ах нартаа тэмээ барьж тусалж буйг харуулсан байна.
Одоогоор зураг уралдааны хоёрдугаар байрны төлөө өрсөлдөж байгаа юм байна. Монгол зурагчны зургийг дэмжихийг хүсвэл ЭНД дарж зураг руу ороод дэмжээрэй. Санал хураалт энэ баасан гараг /2025.05.09/ хүртэл үргэлжилж, ирэх даваа гарагт шалгаруулна.
Уралдааны хоёрдугаар шатанд өрсөлдөж буй зургуудыг толилуулъя.
