“Blackpink” хамтлагийн дуучин Jisoo дэлхийн хамгийн алдартай брэндүүд болох “Dior”, “Cartier”, “Tommy Hilfiger”, “Dyson” болон “Alo Yoga”-гийн албан ёсны нүүр царайгаар ажиллаж байна. Түүний ялдам дүр төрх, дэгжин хувцаслалт нь эдгээр таван брэндийн үнэт зүйлсийг илэрхийлэхэд онцгой хувь нэмэр оруулж байгаа юм.
Дуучин бүсгүйн нарийн мэдрэмжтэй стилистик сонголтууд нь олон улсын хэрэглэгчдийн сэтгэлийг эзэмдсээр үүнийгээ даган тус брэндүүдийн борлуулалт ч мөн өссөн байх нь гарцаагүй. Хувцас, үнэт эдлэл, технологи гээд ямар ч чиглэлд Жисү өөрийн өвөрмөц өнгө аясыг брэндийн онцлогтой холбож, тодруулан харуулж чаддаг нь илт билээ.
Dior
Түүний эмэгтэйлэг энхрий төрх “Dior”-ын тансаг, сонгодог хэв маягийг илүү орчин үеийн өнгө аястай болгож “Dior-ын гүнж” хэмээх нэрийг хүртжээ.
Cartier
Францын алдарт үнэт эдлэлийн брэнд “Cartier” түүнийг элч төлөөлөгчөөр сонгосон нь мөн л учиртай. Jisoo-гийн биеэ авч яваа байдал, гоо зүй нь “Cartier”-ын мөнхийн үнэ цэнтэй яг тохирох ажээ.
Tommy Hilfiger
2024 онд Jisoo “Tommy Hilfiger”-ийн элчээр томилогдож, Америк хэв маягийг Азийн соёлтой нэгтгэх гүүр нь болон гялалзаж байна.
Dyson
Гоо сайхан ба технологийн огтлолцолд Jisoo “Dyson” брэндийн нүүр царай болж, үс арчилгааны дэвшилтэт төхөөрөмжүүд болох “Airwrap” болон “Supersonic”-ийн реклам, сурталчилгааны ажилд онцгой амжилттай оролцжээ. Тэрбээр мөн л тус брэндийн олон улсын нүүр царай юм.
Alo Yoga
Амьдралын идэвхтэй, тэнцвэртэй хэв маягийг дэмжигч “Alo Yoga” брэнд Jisoo-тэй хамтран ажиллах болсноор, залуучуудад эрүүл амьдралын хэв маягийг санал болгоод зогсохгүй олон мянган хүнд эрч хүч, урам өгч буй.
