Монголын хип хоп урлагийн томоохон төлөөлөл, гудамжны яруу найргийн эгшиг бас хөг “Опозит” хамтлаг 20 жилийн ойн хүрээндээ “Болор цом” тоглолтоо хийх гэж буй. Ирэх зургаадугаар сарын 7-нд Төв цэнгэлдэх хүрээлэнд болох эл тоглолтоо угтан тус хамтлаг “Болор цомог” цомгоо 14 дуутайгаар бэлэн болгожээ.
Эл цомогт багтсан “Horny”, “Wow”, “Toxyo” зэрэг дуунуудаа өнгөрсөн онд цацаж, сонсогчдод хэдийнээ хүргэсэн. Харин энэ жил “Zugtsandaa bish shuu”, “Hair Gangsta”, “Bolor Tsom” зэрэг дууныхаа клипийг үзэгчдэд хүргээд байна. Эдгээр дуунуудын клипнүүд нь хоорондоо уялдаа холбоотой байхаар зохиолтой гэдгээрээ онцлогтой юм. “Болор цом” тоглолтын зохион байгуулагчдын зүгээс дараагийн клипийг тоглолтын өмнө сюрприз болгон цацахаа мэдэгдээд байна. “Опозит” хамтлаг “Болор цом” тоглолтдоо шинэ цомгийн дуунуудтайгаа нийлүүлэн нийт 42 дуу дуулахаар болжээ.
“Болор цом” тоглолтын дэлгэрэнгүй мэдээллийг: https://www.facebook.com/xmfmongolia-аас авах боломжтой бөгөөд тасалбарыг: https://boxoffice.mn-аас худалдан авах боломжтой.
