Жүжигчин О.Тэмүүжингийн төрсөн өдөр өнөөдөр тохиож байна.
Сурагч ахуйгаасаа “Цоглог” драмын дугуйланд суралцан уран бүтээлийн гараагаа эхэлж, улмаар СУИС-д жүжигчний мэргэжил эзэмшиж байх үеэсээ “Boom town” хамтлаг байгуулан дуулж, бүжиглэж залуусын танил болсон уран бүтээлч бол О.Тэмүүжин. Оюутан цагаасаа хошин урлагийн хамтлаг, продакшнуудын тоглолтод оролцдог байсан тэрбээр ажлын гараагаа “Х ТҮЦ” ‘продакшнаас эхэлсэн юм. Тэнд ажиллах хугацаандаа уран бүтээлийн олз арвин байсны зэрэгцээ ирээдүйн эхнэрээ ч сонгож, гэр бүлээ ч төвхнүүлээд амжсан.
Тэрбээр “Ийм нэгэн дурлал” уран сайхны киноны Туулайхүү, “Хайрлаж болох уу” уран сайхны киноны зочид буудлын өв залгамжлагч, “Сарны нулимс” олон ангит киноны дурлалт залуугийн дүрээр үзэгчидтэй анхлан уулзсан бол түүнээс хойш “9009”, “Цэлмэг тэнгэр”, “Хувь тавилангийн ээдрээ”, “Гурван найз”, “Болсон явдал”, “Гурван найз яасан байх нь уу”, “Их хотын залуус”, “Муу нүүрт”, “Гацуурхан”, “100 жилийн ганцаардал”, “Хотулун гүнж”, “Баян боол” зэрэг 20 гаруй бүрэн хэмжээний уран сайхны кино болон олон ангит дэлгэцийн уран бүтээлийн гол дүрд тогложээ.
Өдгөө “Эмоци” продакшны продакшныг үүсгэн байгуулж, 11 дэх жилдээ ажиллаж буй юм.
