Монгол Улсад Нисэх хүчин үүсэж хөгжсөний түүхт 100 жилийн ой энэ сарын 25-ны өдөр тохионо.
Энэхүү түүхэн өдөрт зориулан ОХУ-ын уран нислэгийн “Стрижи” баг Миг-29 онгоцоо хөлөглөн дахин давтагдашгүй үзүүлбэрээ толилуулахаар Монгол Улсад ирээд байна.
Ойн арга хэмжээний нэг хэсэг Буянт-Ухаа ОУНБ-д 2025 оны тавдугаар сарын 25-ны өдрийн 09:30 цагаас эхэлнэ.
Энэ өдөр Нисэх хүчин, иргэний нисэхийн он цагийн, түүх, бахархлыг харуулсан үзэсгэлэн, Цэргийн ёслолын жагсаал /техник, агаарын хөлгүүд/, Нээлттэй хаалганы өдөрлөг-Авиа шоу, Шүхрийн үзүүлэх тоглолт, ОХУ-ын “Стрижи” багийн уран нислэгийн үзүүлбэр, Агаарын бөмбөлөг хөөргөх арга хэмжээ, Урлагийн тоглолт, үдшийн цэнгүүн тус тус болно гэж Зэвсэгт хүчний Жанжин штабаас мэдээллээ.
