Олон улсын хүүхдийн эрхийг хамгаалах өдөр буюу зургаадугаар сарын 1-ний өдөр нийслэлийн Засаг даргын Тамгын газраас “Монгол хүүхэд- 2025” өдөрлөгийг зохион байгуулах юм. Өдөрлөгийн хүрээнд төв талбайд нийт 60 асар бүхий “Шидэт хотхон”-ыг байршуулах бөгөөд үндэсний өв соёл, шинжлэх ухаан, танин мэдэхүй, эрүүл мэнд, хүүхдийн эрх, боловсрол, хотын соёл, ирээдүйн Улаанбаатар зэрэг агуулгуудыг багтаасан хөтөлбөрүүдийг хүргэх аж. Мөн төв талбайд “Шидэт хотын мөрөөдөл” нэртэй тоглолтыг зохион байгуулах юм. Тус өдөрлөгөөр диснэйн баатруудын парадыг олны танил 200 хүний бүрэлдэхүүнтэйгээр зохион байгуулах юм байна.
Хүүхдийн баяраар зохиогдох арга хэмжээ:
- Нийслэлийн есөн дүүрэгт хүүхдийн баярын арга хэмжээ
- “Монгол наадам” цогцолборт “Монгол хүү” өдөрлөг
- Төв цэнгэлдэх хүрээлэнд “Kids art” фестиваль
